Христос воскресе! Воистину воскресе! С Пресвятым и Пресветлым Праздником! Небеса убо достойно да веселятся, земля же да радуется, да празднует же мир, видимыи же весь и невидимыи. Христос бо Бог востал есть, веселие вечное. Ныне вся исполнишася света, небо же и земля и преисподняя. Да празднует убо вся тварь, востание Христово, о Нем же утвержаемся. Безчисленное Твое милосердие, иже адовыми узами содержими зряще, к свету идяху Христе веселыми ногами, Пасху хваляще вечную. Сей убо нареченныи святыи день, един суботам, Царь и Господь, праздником праздник и торжество есть торжеством. Вонь же благословим Христа во веки. Смерти празднуем умерщвение, адово разрушение, иного живота вечнаго начало, и играюще поем виновнаго, единаго благословена отцем Бога и препрославлена. О Пасха велика, о священная Христе, о Мудрость Слово Божие и Сила, подавай нам истее Тебе причащатися, в невечернем дни Царствия Твоего.
![[personal profile]](https://www.dreamwidth.org/img/silk/identity/user.png){kind=small}
no subject
Date: 2008-04-27 04:55 pm (UTC)Воистину воскресе!
С Пресвятым и Пресветлым Праздником!
Небеса убо достойно да веселятся, земля же да радуется, да празднует же мир, видимыи же весь и невидимыи. Христос бо Бог востал есть, веселие вечное.
Ныне вся исполнишася света, небо же и земля и преисподняя. Да празднует убо вся тварь, востание Христово, о Нем же утвержаемся.
Безчисленное Твое милосердие, иже адовыми узами содержими зряще, к свету идяху Христе веселыми ногами, Пасху хваляще вечную.
Сей убо нареченныи святыи день, един суботам, Царь и Господь, праздником праздник и торжество есть торжеством. Вонь же благословим Христа во веки.
Смерти празднуем умерщвение, адово разрушение, иного живота вечнаго начало, и играюще поем виновнаго, единаго благословена отцем Бога и препрославлена.
О Пасха велика, о священная Христе, о Мудрость Слово Божие и Сила, подавай нам истее Тебе причащатися, в невечернем дни Царствия Твоего.